送虎迎兔

兔年祝各位讀者新春大吉

回顧虎年, 個人嚟講可以用兩個字總結“徒勞”, 白忙咗一年, 連一個桔都得唔到, 都唔緊要, 預咗

兔年又會點呢？兔仔係一種一食飽咗就走去做愛嘅動物, 繁殖率奇高, 兔年又會唔會係一個縱慾同泛濫嘅年頭呢？哈，都只可以估吓估吓

但個人而言, 其實都唔樂觀, 唔使睇運程書, 都可以預計得到, 糧食價格同能源價格將帶領世界性通脹, 食嘢買嘢, 起居飲食都乜都會貴, 錢會更難搵同更唔見使。呢個現象會係世界性, 而因為咁所以引發嘅反政府暴亂亦多到唔會再覺得係新聞

所以對於兔年, 真係唔太樂觀, 只要平平安安咁過咗去就算

不過今年都會比較減少玩 facebook , 其實一早都已經厭厭地, 一窩瘋嘅生日快樂, 係唔係都 like 又無得 damn', 集齊幾廿萬人又點點點嘅group, 廿九幾個人同時 post 蘋果動新聞、明報新聞網嘅同一條link、上親去 facebook 一大版滿晒好多人出 post 但都係啲好雷同嘅嘢

加上FB出賣私隱之說言猶在耳, 所以都係去返微博或者twitter 比較有意思, 至少多啲人會講自己想講嘅嘢 (以我自己 follow咗嘅黎計), 而唔係人云亦云咁去FW人哋嘅嘢, 但限制字數始終唔夠爽, 所以最終都係要返返去寫 blog, 儘量建設建設, 論壇都係另一個據點, 有啲真正嘅辯論, 點都好過只係得個 like

虎年裡面最莫名其妙嘅係：唔知點解我會鍾意五更琉璃

而兔年, 無論如何都係想好嘅, 祝各位事事如意, 開開心心, 平安大吉